கை விளக்கு

சில நாட்களுக்கு முன் 'ஜகன் மோஹினி' பத்திரிகைக்காகப் பகவத் கீதைக்குச் சில குறிப்புகள் சுருக்கமாக எழுதினேன். அவற்றை ஒன்று சேர்த்துப் புஸ்தகமாக வெளியிட எண்ணம் தோன்றிற்று. அந்த எண்ணத்தை நிறைவேற்ற ஆரம்பித்த பொழுது, கீதை சுலோகங்களைத் தமிழில் முற்றிலும் மொழி பெயர்த்துச் சுலோகங்களின் கீழ், என்னுடைய குறிப்புகளை அச்சிட்டு வழங்கினால்தான், புஸ்தகம் பயன்படும் என்று தோன்றிற்று. இப்பொழுதுதான் மொழி பெயர்ப்புகளைப் படித்தேன். நான் வெளியிடப்போகும் நூலில் மொழி பெயர்ப்பும் நானே செய்து தருவது பொருத்தம் என்று தோன்றிற்று. என்னுடைய மொழி பெயர்ப்புக்கும், ஏற்கெனவே வெளிவந்திருக்கும் மொழி பெயர்ப்புகளுக்கும் அதிக பேதம் இருக்காது. என்றாலும், சில இடங்களில் வேறுபட்டிருப்பதையும் காணலாம். சாஸ்திர நிபுணர்களுக்கு என் நூலில் புதியது ஒன்றும் இல்லை. சாதாரண மக்களுக்கு ஒரு கை விளக்காகப் பயன்படலாம்.